今日同Amy一齊探訪庇護工場，親眼見到一班非常可愛又努力嘅殘疾人士。佢哋雖然每日都面對身體上嘅限制，但每個人都笑容滿面，工作時充滿熱誠。可惜現實好殘酷，中心嘅資源非常有限，政府一年嘅資助根本唔夠日常運作開支。近年經濟環境差，政府資助亦大幅減少，令中心營運壓力更大。
其實，每位參加者每日只可獲得約$33嘅政府津貼，其中午餐費已經要$23，只剩下$10可以應付其他基本開支。聽到真係覺得心酸。Amy憑住佢超過25年嘅市場推廣經驗，希望幫中心籌措更多資源，吸引商界支援，為工場開創更多可持續嘅合作機會。
我哋都希望透過呢次探訪，呼籲更多企業同善心人士一齊行動，畀佢哋有更多工作機會，提升收入，同時得到社會認同。每一份支持，都可以改變佢哋嘅生活，讓關懷真正落地。