將環保造紙帶到商會運動日之中

早前我哋參加咗一個商會嘅運動日活動，當日收穫非常豐富！透過呢個活動，我哋有幸認識到好多唔同背景、同樣關心社會發展同公益事務嘅機構同朋友。大家喺交流嘅過程中，都對我哋嘅環保再造紙項目表示極大興趣，仲提出咗好多合作嘅可能性。好多單位都希望能夠將我哋嘅環保理念帶到更多地區、學校同社區，幫助唔同年齡層同有需要嘅人士，推動環保同共融教育。 

更令我哋興奮嘅係，當日我哋同幾個科技機構交流時，談到點樣可以將3D打印技術同環保再造紙結合，開發出新型創意產品，令環保藝術邁向科技化同創新化。呢個構思而家正積極研發中，相信好快就會有成果可以同大家分享。